«Կարծում եմ՝ Արցախի իշխանությունները մի քիչ գոնե հասկանում են, որ վաղուց շեղբի սուր սայրի վրա են». Էդիկ Բաղդասարյան
Էդիկ Բաղդասարյանը ֆեյսբուքյան իր էջում գրում է. «Արցախի իշխանությունները, հուսանք, դեռ մի քիչ հասկանում են, որ իրենց պաշտոնն ամենավերջին բանն է, որի մասին այսօր կարող են մտածել:
Կարծում եմ՝ մի քիչ գոնե հասկանում են, որ վաղուց շեղբի սուր սայրի վրա են:
Երեւի լսել եք Ալիեւի ասած քայլերի մասին, նա բացահայտ ասել է՝ ինչ է անելու, ենթադրաբար, գիտեք՝ հաջորդը որն է լինելու:
Մարդիկ դեռ դիմանում են, զուգահեռ դիմակայում ձեզ, բայց նրանք որոշ ժամանակ հետո չեն կարող նայել, թե ինչպես են երեխաներն իրենց աչքի առաջ մարում: Այսքան զրկանքներ կրած եւ կրող ժողովուրդն այլեւս չի ներելու ոչ մեկին»:
