Վիրաբույժը` վերքերը սպիրտով մշակելու ժողովրդական մեթոդի վտանգի մասին
Վերքը սպիրտով մշակելու ավանդական մեթոդով մաշկը կոշտանում է և հետաձգվում է ապաքինումը, զգուշացրել է վիրաբույժ Դարիա Շայմովան։ Բժիշկը Lenta.ru-ին տված հարցազրույցում գնահատել է վերքերի մշակման ժողովրդական մեթոդի վտանգը։
Սպիրտով կամ ալկոհոլային խմիչքներով վերքերի բուժումը սխալ սովորություն է, որը ձևավորվել է տարիներ ի վեր, նշում է վիրաբույժը։ Նրա խոսքով՝ ալկոհոլ պարունակող ըմպելիքներն ագրեսիվորեն են ազդում մաշկի վնասված հատվածի վրա, խաթարում են միկրոֆլորան և խանգարում բուժմանը։
Բժիշկը նշել է, որ միայն մակերեսային (15 միլիմետրից պակաս) և արյունահոսող վերքերը կարող են ինքնուրույն բուժվել։ Եթե մարդը վիրավորվել է ժանգոտված մեխից կամ այլ կեղտոտ սուր առարկայից (օրինակ՝ հողով կեղտոտված), պետք է դիմել բժշկի:
Վերքը մշակելուց առաջ անհրաժեշտ է լվանալ ձեռքերը, մինչդեռ վերքին կարելի է դիպչել միայն հակասեպտիկով թաթախված բամբակյա սկավառակով։
«Վերքը մանրակրկիտ ողողեք հոսող ջրով, առանց ալկոհոլի վրա հիմնված արտադրանք օգտագործելու: Վերքը բուժեք 3% ջրածնի պերօքսիդով, որպեսզի հեռացնեք աղտոտվածությունը: Եթե վերքի մեջ մնան կեղտը, ավազը և այլ մասնիկներ, այն կարող է բորբոքվել»,- ըստ shantnews-ի՝ ասել է մասնագետը:
Դրանից հետո անհրաժեշտ է վերքը չորացնել ջրածնի պերօքսիդով և բուժել բետադինի տասը տոկոս լուծույթով, որը պայքարում է մանրէների դեմ, շարունակել է Շայմովան։
«Այնուհետեւ վերքի վրա պետք է դնել մաքուր վիրակապ։ Ցանկալի է երկու օր վերքը չթրջել, ավելացրել է վիրաբույժը։
«Ավելի լավ է առանց բժշկի նշանակման ընդհանրապես յոդ չօգտագործել, այն հեշտությամբ կարող է այրել արդեն իսկ վնասված մաշկը հատկապես երեխաների մոտ»,-ասել է բժիշկը։
