Վրաստանը չի պատրաստվում զիջումների գնալ Աբխազիայի և Հարավային Օսիայի հարցում. Կոբախիձե
Վրաստանի վարչապետ Իրակլի Կոբախիձեն Ռուսաստանի հետ դիվանագիտական հարաբերությունների վերականգնումը նախքան Աբխազիայից և Հարավային Օսիայից ռուսական զորքերի դուրսբերումը անվանել է «կարմիր գիծ». գրում է «Коммерсантъ»-ը:
Նա նաև նշել է, որ նման քննարկումներն անհնար են, քանի դեռ Մոսկվան ճանաչում է այդ տարածքների անկախությունը:
«Մեզ համար ամենակարևորը մեր սկզբունքային դիրքորոշումն է և մեր կարմիր գծերին հավատարիմ մնալը. այս կարմիր գծերը կապված են դեօկուպացիայի հարցի հետ։ Այստեղ որևէ փոխզիջում չի կարող լինել, և մեր դիրքորոշումը չի վերանայվի. ես սա հստակ հայտարարում եմ», – ասել է Իրակլի Կոբախիձեն։
