Աշխարհի ամենահարուստ մարդը մեկ օրում ավելի քան 11 միլիարդ դոլար է կորցրել
LVMH կոնգլոմերատի հիմնադիր Բեռնար Առնոն, որը ներկայում համարվում է աշխարհի ամենահարուստ մարդը, ընդամենը մեկ օրում կորցրել է 11,2 միլիարդ դոլար: Այս մասին հայտնում է Bloomberg-ը:
Պատճառը LVMH-ի արժեթղթերի գնի անկումն է, ինչն էլ իր հերթին պայմանավորված է մտավախություններով առ այն, որ ԱՄՆ-ի թուլացող տնտեսությունը կնվազեցնի շքեղ ապրանքների պահանջարկը: Դրա պատճառով Առնոն մեկ օրում կորցրել է 11,2 մլրդ դոլար, մայիսի 23-ի երեկոյան նրա կարողությունը հասել է 191,6 մլրդ դոլարի։
LVMH-ին են պատկանում Louis Vuitton, Moet & Chandon և Christian Dior շքեղ ապրանքանիշերը:
