«Ուրարտու»-ն երկարաձգեց պայմանագիրը Դմիտրի Գունկոյի հետ
Երևանի «Ուրարտու» ֆուտբոլային ակումբը երկարաձգեց պայմանագիրը թիմի գլխավոր մարզիչ Դմիտրի Գունկոյի հետ:
Նոր պայմանագիրը նախատեսված է մինչ 2026 թվականը:
«Պայմանագրի կետերում փոփոխություն չի եղել, միայն երկարաձգել ենք այն: Նոր պայմանագիրը նախատեսված է մինչև 2026 թվականի հունիս»,-լրագրողների հետ զրույցում ասաց «Ուրարտու» ակումբի գլխավոր տնօրեն Գոհար Վարդանյանը:
Դմիտրի Գունկոն, անդրադառնալով «Ուրարտու» ֆուտբոլային ակումբում իր աշխատանքին, շեշտեց, որ հայկական ակումբների շարքում այս թիմն առանձնանում է փոխադարձ վստահության մթնոլորտով, հայ ֆուտբոլիստներին աճելու հնարավորություն տվող ունեցած ենթակառուցվածքներով։
Գունկոն մարզչական գործունեությունը Հայաստանում սկսել է 2020-ից՝ գլխավորելով «Նոան»։ «Ուրարտու»-ն գլխավորելուց առաջ Գունկոն «Արարատ Արմենիա»-ի գլխավոր մարզիչն էր․ այդ պաշտոնը նա ստանձնել էր 2021 թվականին։
2022 թվականի հունիսի 27-ին «Ուրարտու» ֆուտբոլային ակումբում տեղի ունեցավ Դմիտրի Գունկոյի պաշտոնական շնորհանդեսը: Նրա գլխավորությամբ «Ուրարտու»-ն անցկացրել է 32 խաղ, տոնել 23 հաղթանակ, գրանցել 5 ոչ-ոքի և կրել 4 պարտություն:
