ՃՏՊ Գյումրի քաղաքում. տուժածներ չկան
Ապրիլի 28-ին, ժամը 21:23-ին Շիրակի մարզային ճգնաժամային կառավարման կենտրոն ահազանգ է ստացվել, որ Գյումրի քաղաքի Մովսես Խորենացու փողոցում՝ «Ջավախք» խանութ-սրահի մոտակայքում, տեղի է ունեցել ՃՏՊ:
Ինչպես տեղեկացրին ՀՀ ՆԳՆ Փրկարար ծառայությունից, դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մովսես Խորենացու փողոցի թիվ 25/2 հասցեի մոտակայքում «Jeep Grand Cherokee» մակնիշի ավտոմեքենան դուրս է եկել երթևեկելի հատվածից և շրջվել․ տուժածներ չկան։
Փրկարարները հոսանքազրկել են ավտոմեքենան, ուղղել այն և իրականացրել ճանապարհահատվածի լվացման աշխատանքներ:
