Լաչինի միջանցքում Ադրբեջանի կողմից անցակետի տեղադրումը խաթարում է խաղաղության գործընթացը. Կանադայի ԱԳ նախարար
Լաչինի միջանցքում Ադրբեջանի կողմից անցակետի տեղադրումը խաթարում է խաղաղության գործընթացը։ Այս մասին հայտարարություն է տարածել Կանադայի արտաքին գործերի նախարարությունը։ Հայտարարությունը Կանադայի ԱԳ նախարար Մելանի Ժոլիի անունից է։
«Կանադան խորապես մտահոգված է Լաչինի միջանցքում Ադրբեջանի կողմից անցակետի ստեղծմամբ, որը միակ ցամաքային կապն է Լեռնային Ղարաբաղի և շրջապատող տարածաշրջանի միջև։
Այս գործողությունն ակնհայտորեն խաթարում է խաղաղության գործընթացն ու կայունությունը ողջ տարածաշրջանում։
Մենք կոչ ենք անում Ադրբեջանի իշխանություններին վերաբացել Լաչինի միջանցքը։ Այն պետք է մնա բաց ու անարգել՝ թույլ տալու մարդկանց և ապրանքների ազատ տեղաշարժը:
Կանադան երկու կողմերին կոչ է անում վերսկսել բանակցություններն ու զերծ մնալ սահմանի երկայնքով հետագա սրացումից կամ թշնամական գործողություններից»,- ասված է հայտարարության մեջ։
