Սննդաբանը զգուշացրել է սխալ սննդակարգի դեպքում օրգանների ծերացման վտանգի մասին
Դիետոլոգ Անժելիկա Դյուվալը կարծում է, որ շատ նիհարել ցանկացողների սխալն այն է, որ արմատապես նվազեցնում են սպառվող սննդի օրական քանակությունը: Ոմանք, ինչպես shantnews-ի փոխանցմամբ՝ մանրամասնել է մասնագետը, իրականում անցնում են միայն ջրի։ Միաժամանակ, որպես կանոն, նման ծոմապահությունը հանգեցնում է մարմնի քաշի ավելացման, ինչպես նաև ներքին օրգանների ծերացման։
«Եթե մարդն իրեն խիստ սահմանափակում է սնուցման մեջ, ապա կարող են խնդիրներ առաջանալ։ Եթե մեկ շաբաթ ոչինչ չես ուտում, իսկ հանգստյան օրերին անընդմեջ ուտում ես ամեն ինչ, ապա մարսողական համակարգը սկզբում կտրուկ կբեռնաթափվի, իսկ հետո նույնքան կտրուկ բեռնված կլինի: Օրգանիզմը նոր է ընտելանում այն բանին, որ սննդակարգն ավելի պարզ է դարձել, իսկ հետո նրա վրա «ռումբ» ենք նետում, որը նա կմարսի ամբողջ օրը՝ մաշելով իր ռեսուրսները։ Եթե մենք նախատեսում ենք նիհարել, ապա սննդակարգն այնպիսին պետք է լինի, որ խափանումներ չլինեն։ Դրա համար սնունդը պետք է լինի ամբողջական և հավասարակշռված»,- մեջբերում է նրա խոսքը Sputnik ռադիոն։
Ամենօրյա սննդակարգում պետք է լինեն այնպիսի մթերքներ, որոնց օգնությամբ մարդը քաղց չի զգա։
Ավելի վաղ՝ մարտի 24-ին, սննդաբան Օքսանա Կովիլկինան խորհուրդ էր տվել վերահսկել սննդակարգը և պահպանել կալորիականության դեֆիցիտը քաշի կորստի համար։ Նա նշել էր, որ սնունդը պետք է լինի բազմազան, հավասարակշռված և համեղ։ Նա նաև հորդորել էր չմոռանալ ֆիզիկական ակտիվության մասին։
