Բելառուսի իրավապահների կողմից հետախուզվող Եվգենի Գ.-ն հայտնաբերվել է «Զվարթնոց» օդանավակայանում
Ոստիկանության «Զվարթնոց» օդանավակայանի գծային բաժնի քրեական հետախույզները ապրիլի 4-ին Ստամբուլ-Երևան չվերթի ինքնաթիռի ժամանումից հետո օդանավակայանում հայտնաբերել, ձերբակալել և գծային բաժին են տարել Բելառուսի Հանրապետության քաղաքացի Եվգենի Գ.-ին:
Նա 2022 թ. փետրվարի 22-ից Բելառուսի Հանրապետության ՆԳՆ կողմից հետախուզվում էր պետական խորհրդանիշերի նկատմամբ անարգանքի մեղադրանքով:
Խափանման միջոցը՝ կալանք:
Հայտնաբերման մասին հայտնվել է հետախուզումը նախաձեռնողին և դատախազությանը:
