Հակակոռուպցիոն կոմիտեն՝ Լևոն Քոչարյանի տան խուզարկության մասին
ՀՀ հակակոռուպցիոն կոմիտեում կոռուպցիոն բնույթի հանցագործությունների դեպքերով քննվող քրեական վարույթի շրջանակում մի քանի տասնյակ հասցեներում կատարվում են խուզարկություններ։ Panorama.am-ին փոխանցեցին հակակոռուպցիոն կոմիտեին՝ ի պատասխան ինչ գործի շրջանակնում է խուզարկություն իրականացվում ՀՀ ԱԺ «Հայաստան» խմբակցության պատգամավոր Լևոն Քոչարյանի տանը։
«ՀՀ հակակոռուպցիոն կոմիտեում կոռուպցիոն բնույթի հանցագործությունների դեպքերով քննվող քրեական վարույթի շրջանակում մի քանի տասնյակ հասցեներում կատարվում են խուզարկություններ և վարութային այլ գործողություններ: Անհրաժեշտության դեպքում կտրվի լրացուցիչ տեղեկատվություն»,- հայտնեցին կոմիտեից։
Ավելի վաղ հայտնել էինք, որ այսօր վաղ առավոտյան իրավապահներ մտել են Լևոն Քոչարյանի տուն։
