Դասական Սոլյանկա

Բաղադրիչներ

Տավարի միս – 0,5 կգ

Ջուր – 3,5 լ

Կարտոֆիլ – 0,4 կգ

Ապխտած երշիկ – 200 գ

Եփած երշիկ – 200 գ

Թթու վարունգ – 4 հատ

Սոխ – 1 հատ

Գազար – 1 հատ

Տոմատի մածուկ – 2 ճ/գ

Բուսայուղ – 2 ճ/գ

Դափնու տերև – 2 հատ

Սև ձիթապտուղ – 5 հատ

Կիտրոն – 5 գ

Աղ, պղպեղ

Պատրաստման եղանակը

Միսը՝ ամբողջական, և մաքրած, բայց չկտրատած սոխը եփել ամենացածր ջերմաստիճանում մեկ ժամ:

Միսը հանել արգանակից, կտրատել մանր կտորների։ Քամել արգանակը, դեն նետել սոխը։

Արգանակը նորից բերել եռման աստիճանի։

Կարտոֆիլը կտրատել և լցնել արգանակի մեջ։ Եփել 20 րոպե՝ ցածր կրակի վրա։

Տապակի մեջ ձեթ լցնել, տապակել քերած գազարը, խորանարդաձև կտրատած վարունգը և երկու տեսակի նրբերշիկները, ինչպես նաև խաշած տավարի միսը։ Տապակել 5-7 րոպե՝ երբեմն խառնելով։

Ավելացնել տոմատի մածուկ խառնել և ևս 3 րոպե եփել։

Տապակած զանգվոածը լցնել կաթսայի մեջ, ավելացնել աղ, պղպեղ, դափնու տերև։ Եփեք ևս 10 րոպե։

Կիտրոնի կտրատած շերտերն ու ձիթապտուղները կարելի է լցնել կաթսայի մեջ կամ ավելացնել յուրաքանչյուր ափսեի մեջ։