Ռաֆայել Նադալի վնասվածքը լուրջ է. նա բաց կթողնի 6-8 շաբաթ
Իսպանացի թենիսիստ Ռաֆայել Նադալի ստացած վնասվածքը լուրջ է:
Իսպանացին իր սոցցանցերի էջերում գրել է, որ բժշկական հետազոտությունից հետո հայտնի է դարձել, որ մկանային վնասվածք ունի, որի վերականգման համար կպահանջվի 6-8 շաբաթ ժամանակ:
Նախօրեին` «Մեծ սաղավարտի» տարվա առաջին մրցաշարի` Ավստրալիայի բաց առաջնության տղամարդկանց մենախաղի երկրորդ շրջանում Նադալը մրցեց ԱՄՆ ներկայացուցիչ, աշխարհի 65-րդ ռակետ Մաքենզի Մակդոնալդի հետ: 2 ժամ 31 րոպե ձգված մրցախաղում Նադալը զիջեց մրցակցին երեք սեթերից հետո` 6:4, 6:4, 7:6 հաշվով:
