Հունական թխվածքաբլիթներ

Բաղադրիչներ

Խմորի համար

1. Ալյուր – 500գ

2. ձիթայուղ – 125 մլ

3. սերուցքային կարագ – 115 գ

4. շաքարի փոշի – 115 գ

5. նարնջի հյութ – 60 մլ

6. կոնյակ – 60 մլ

7. 1 նարնջի կեղև

8. փխրեցուցիչ – 1 թ/գ

9. սոդա – կես թ/գ

10. աղացած դարչին – 2 թ/գ

11. աղացած մեխակ – կես թ/գ

12. մի պտղունց մշկընկույզ

13. աղ – կես թ/գ

Օշարակի համար

1.  1 բաժակ մեղր

2. 225 գ շաքարավազ

3. կես դարչինի ձողիկ

4. 1/4 նարնջի կեղև

Պատրաստման եղանակը

Պատրաստել օշարակը։

Օշարակի համար նախատեսված բոլոր բաղադրամասերը դնել կաթսայի մեջ, լցնել 250 մլ ջուր, խառնել, եռացնել։

Այնուհետև ցածրացնել կրակը, խառնելով եփել ևս 5-10 րոպե՝ մինչև օշարակը մի քիչ խտանա։

Հեռացնել վրայի փրփուրը, ապա օշարակի միջից հեռացնել դարչինի ձողիկը և նարնջի կեղևը։

Թույլ կրակի վրա տաք պահել օշարակը մինչև թխվածքաբլիթները պատրաստ լինեն։

Մատուցման համար

1. 150գ ընկույզ

2. պիստակ

3. աղացած դարչին – 1 ճ/գ

Մատուցման համար մանր կտրատել պիստակները և ընկույզը, խառնել դարչինի փոշու հետ։

Ջեռոցը տաքացնել 170 աստիճան։

Հարիչի ամանի մեջ լցնել ձիթայուղը, կարագը, շաքարի փոշին և բոլոր համեմունքները, 5 րոպե հարել։

Առանձին ամանի մեջ խառնել նարնջի հյութը, կոնյակը, փխրեցուցիչը և սոդան։

Երբ խառնուրդը կսկսի փրփրել, միացնել 2 խառնուրդները։

Ավելացնել աղը և նարնջի կեղևը, հարել 2 րոպե։

Աստիճանաբար ավելացնել այնքան ալյուրը մինչև խմորը պնդանա։

Խմորից պատրաստել ընկույզի չափով գնդիկներ, և թխել 25-30 րոպե, մինչև մուգ ոսկեգույն դառնալը։

Այնուհետև թխվածքաբլիթները հանել ջեռոցից, և գնդիկները եռացող օշարակի մեջ եփել 1-2 րոպե։

Պատրաստի թխվածքաբլիթները դասավորել մատուցման ափսեի մեջ, վրան լցնել մնացած օշարակը և ձևավորել մանրացրած ընկույզներով և դարչինով։

Պահել սենյակային ջերմաստիճանում, ծածկելով փայլաթիթեղով։