Մունդիալ-2022. ինչ հանդիպումներ կան նոյեմբերի 22-ին
Ֆուտբոլի աշխարհի առաջնությունում նոյեմբերի 22-ին կկայանա 4 հանդիպում:
C խմբում Մունդիալի ֆավորիտներից Արգենտինան մեկնարկային տուրում կմրցի Սաուդյան Արաբիայի հետ (խաղի մեկնարկը Երևանի ժամանակով 14:00-ին), իսկ Մեքսիկան կխաղա Լեհաստանի դեմ (սկիզբը 20:00-ին):
D խմբում Դանիան ժամը 17:00-ին կխաղա Թունիսի, Ֆրանսիան` 23:00-ին Ավստրալիայի հետ:
Նոյեմբերի 21-ին աշխարհի առաջնությունում կայացել էին երեք հանդիպումներ` Անգլիան հաղթել էր Իրանին 6:2 հաշվով, իսկ Նիդերլանդները` Սենեգալին 2:0 հաշվով: ԱՄՆ-Ուելս հանդիպումն ավարտվել էր ոչ-ոքի`1:1 հաշվով:
