Ճապոնիայում հայտարարել են ԿԺԴՀ-ի կողմից, ենթադրաբար, բալիստիկ հրթիռի արձակման մասին
ԿԺԴՀ-ն նոյեմբերի 9-ին, ենթադրաբար, բալիստիկ հրթիռ է արձակել Ճապոնական ծովի կողմը: Այդ մասին հայտնել է Ճապոնիայի առափնյա պահպանության ծառայությունը: Հրթիռն արդեն ընկել է:
Հրթիռի անկման վայրն այս պահին չի նշվում: Ճապոնիայի պահականավերը տարածաշրջանում գտնվող նավերին հորդորում են հրթիռի բեկորների հայտնաբերման դեպքում չմոտենալ դրանց, այլ անհապաղ կապվել իշխանությունների հետ, հաղորդել է ՏԱՍՍ-ը:
