Իրանը պաշտոնապես հաստատել է, որ ռուս– ուկրաինական պատերազմից առաջ Ռուսաստանին անօդաչուներ է մատակարարել

Իրանն առաջին անգամ հաստատել է, որ Ռուսաստանին մատակարարել է անօդաչուներ։ Իրանի արտաքին գործերի նախարար Հոսեյն Ամիր Աբդոլլահիանի խոսքը փոխանցում է Reuters գործակալությունը։

Երկրի գլխավոր դիվանագետը հայտնել է, որ Թեհրանը Մոսկվային մատակարարել է «փոքր քանակով անօդաչուներ», իսկ մատակարարումն իրականացվել է ռուս–ուկրաինական պատերազմից մի քանի ամիս առաջ։

Աբդոլլահիանը նաև ընդգծել է, որ Իրանը իրեն չի համարում Ուկրաինայում հակամարտության կողմ և որ եթե Թեհրանին ներկայացվեն պատերազմում անօդաչուների կիրառման ապացույցներ, երկիրը «անտարբեր չի մնա»։ Նա նշել է, որ Իրանն ու Ուկրաինան պայմանավորվածություն ունեն նման ապացույցներ ներկայացնելու վերաբերյալ։

Իրանի իշխանությունները նախկինում հերքել են այդ գործարքի մասին հայտարարությունները,չնայած այն հանգամանքին, որ Ուկրաինայի ԶՈւ-ն բազմիցս հայտնել է իրանական արտադրության անօդաչուների ոչնչացման մասին։

Տեսանյութեր

Լրահոս