«ՄԱԿ–ում իմ վերջին ելույթը, երբ Հայաստանը միջազգային ատյաններում հանդես էր գալիս բոլորովին այլ դիրքերից»․ Վարդան Օսկանյան
ՀՀ ԱԳ նախկին նախարար Վարդան Օսկանյանը ֆեյսբուքյան իր էջում տարածել է 2007թ․ ՄԱԿ–ում ունեցած իր վերջին ելույթի տեսագրությունը՝ գրելով․ «Հետևելով Միավորված ազգերի կազմակերպության Գլխավոր ասամբլեայում այս օրերի որոշ կարևոր ելույթներին, ես հիշեցի այդ ամբիոնից 2007 թվականի Գլխավոր ասամբլեայի 61-րդ նստաշրջանում ունեցած իմ վերջին ելույթը, երբ Հայաստանը միջազգային ատյաններում հանդես էր գալիս բոլորովին այլ դիրքերից:
Այս 12 րոպեանոց ելույթի առաջին մասում խոսվում է գլոբալ խնդիրների մասին, երկրորդ մասում՝ Հայաստանի իսկ վերջին չորս րոպեներում Լեռնային Ղարաբաղի հակամարտության՝ հղում անելով նաև Կոսովոյի խնդրին»։
