Ավելի քան 20 մլն դրամ՝ մետաղական ճաղավանդակների համար

Երևանում մայթեզրերին տեղադրվող մետաղական ճաղավանդակների վերաբերյալ ՀՀԿ Հանրային ընդունարանի փորձագետների կողմից դիմումներ էին ուղարկվել Երևանի քաղաքապետարան: Այս մասին տեղեկացնում են ՀՀԿ Հանրային ընդունարանից։

Հարցմանը պատասխանելու և տեղեկատվություն տրամադրելու օրենքով սահմանված ժամկետների խախտմամբ ՀՀԿ Հանրային ընդունարան է ուղարկվել մայթեզրերին տեղադրվող մետաղական ճաղավանդակների վրա ծախսված գումարը:

Մասնավորապես, ՀՀԿ հանրային ընդունարանի կողմից հայցվել է հետևյալ տեղեկատվությունը:

⁃ Գումարի չափը ընդհանուր ծրագրի համար:

⁃ Մինչ այս ծախսված փաստացի գումարը:

⁃ Ընդունված որոշման համար հիմք ծառայած փաստերը:

Պատասխանից պարզ է դառնում, որ արգելապատնեշները տեղադրվել են Երևանի քաղաքապետարանի աշխատակազմի շինարարության և բարեկարգման վարչության ծրագրով:

Մինչ այս պահը տեղադրվել է թվով 526 մետաղական ճաղավանդակներ:

Մինչ այս պահը ծախսվել է 21 միլիոնից ավելի գումար (21554.4 հազար):

Տեղադրվող մեկ ճաղավանդակի վրա համայնքային բյուջեից քաղաքապետարանը ողջամիտ ծախս է համարել 40.000 դրամը (100 ԱՄՆ դոլար): Ստացվում է` ավելի քան 50.000 ԱՄՆ դոլար քաղաքում 500 մետաղական ճաղավանդակների համար:

ՀՀԿ Հանրային ընդունարանի դիտարկումները մայթեզրերին տեղադրվող մետաղական ճաղավանդակների անհրաժեշտության վերաբերյալ ներկայացված է մեկ այլ նյութի մեջ, որին կարող եք ծանոթանալ այստեղ․