Նորաշենում շենքերից մեկի մոտակայքում «Zil» մակնիշի ավտոմեքենա է այրվել
Մայիսի 21-ին, ժամը 19:46-ին Ճգնաժամային կառավարման ազգային կենտրոն ահազանգ է ստացվել, որ Երևանի Նորաշեն թաղամասի թիվ 34 շենքի մոտակայքում գտնվող ավտոտնակներից մեկից ծուխ է նկատվում։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Նորաշեն թաղամասի թիվ 34 շենքի մոտակայքում գտնվող ավտոտնակներից մեկում այրվում է «Zil» մակնիշի ավտոմեքենա:
Հրդեհը մեկուսացվել է ժամը 19:58-ին, մարվել՝ 20:03-ին: Այրվել են ավտոմեքենայի շարժիչի հատվածը և սրահը՝ մասամբ:
