Լուսանկարներ՝ Երևանի տարբեր հատվածներում տեղի ունեցող բողոքի ակցիաներից
Երևանում ապրիլի 27-ին ժամը 12-ից սկսած շարունակվել են բողոքի ակցիաները: ՀՀԿ–ականներն ու քաղաքացիները միաժամանակ փակել են Տերյան-Մոսկովյան, Քոչար-Գյուլբենկյան խաչմերուկները, Մյասնիկյան և Մաշտոցի պողոտաները: Ակցիայի մասնակիցները վանկարկում էին՝ «Առանց թուրքի Հայաստան» և «Դավաճան Նիկոլ»: Ակցիան սկսելուց մի քանի րոպե անց փակ խաչմերուկներում և պողոտաներում կուտակվեցին ոստիկանական մեծաթիվ ուժեր և կարմիրբերետավորներ, արձանագրվեցին հրմշտոցներ, բիրտ ուժի կիրառում, ինչի արդյունքում բողոքի ակցիայի մեծ թվով մասնակիցներ բերման ենթարկվեցին Ոստիկանության տարբեր բաժիններ:
Էրեբունու բաժին բերման ենթարկված 8 անչափահասները քիչ անց ազատ կարձակվեն, ֆեյսբուքյան էջով տեղեկացրեց փաստաբան Ալեքսանդր Կոչուբաևը:
Հաջորդ թեժ կետը Մաշտոցի պողոտա-Ամիրյան խաչմերուկն էր:
Բողոքի ակցիաները մայրաքաղաքում շարունակվում են:
Լրատվամիջոցների ներկայացուցիչները նույնպես բողոքի ակցիա էին իրականացնում ԱԳՆ շենքի դիմաց:
Ազատության հրապարակում Արթուր Վանեցյանի իրազեկման ակցիան շարունակվել է ամբողջ օրվա ընթացքում:
Մելիք-Ադամյան փողոցում բողոքի ակցիա են իրականացրել նաեւ ԱԺ «Պատիվ ունեմ» խմբակցության պատգամավորներն ու ՀՀԿ անդամները:
Զոհված զինծառայողների հարազատները կրկին Գլխավոր դատախազության մոտ էին՝ «Կալանավորե՛ք Փաշինյանին» պահանջով:
ՀՅԴ երիտասարդներն ու «Հայաստան» խմբակցության պատգամավորներ Քրիստինե Վարդանյանն ու Թադևոս Ավետիսյանը կառավարության դիմաց բողոքի ակցիա էին իրականացնում կարմիր ներկված ձեռքերով, ինչը խորհրդանշում է 44–օրյա պատերազմի ընթացքում թափված երիտասարդների, Նիկոլ Փաշինյանի կառավարական ավտոշարասյան կողմից վթարի ենթարկված հղի կնոջ արյունը:
«Նիկոլ Փաշինյան, դու միայն արյուն ես բերում», «Նիկոլ մարդասպան» կոչեր հնչեցնելով, ակցիայի մասնակիցները դույլով կարմիր ներկ էին բերել Կառավարության դիմաց: Կարմիր բերետավորները պատգամավոր Թադևոս Ավետիսյանին և ակցիայի մի քանի մասնակիցների բռնի ուժով բերման ենթարկեցին, ապա պատգամավորին բաց թողեցին:
