Թուրքիան պատրաստ է Ստամբուլում կազմակերպել Ռուսաստանի և Ուկրաինայի ղեկավարների հանդիպումը. Էրդողան
Թուրքիան ջանքեր է գործադրում Ռուսաստանի Դաշնության և Ուկրաինայի միջև գործընթացը շարունակելու համար և պատրաստ է երկխոսություն կազմակերպել այդ պետությունների ղեկավարների մակարդակով։
Այս մասին հայտնում է թուրքական «Անադոլու» լրատվական գործակալությունը:
Էրդողանի խոսքով, եթե երկու հարեւան երկրների նախագահներն ընդունեն թուրքական կողմի հրավերը, ապա բարձր մակարդակով հանդիպումը կարող է կայանալ Ստամբուլում։
Էրդողանը ուկրաինա-ռուսական բանակցություններում առաջընթացի հույս է հայտնել։
«Քայլեր կան այնուամենայնիվ, դրանք հեռու են ցանկալի լինելուց։ Մենք առաջընթացի հույս ունենք։ Մենք հույսը չենք կորցնում»,- ասել է Թուրքիայի ղեկավարը
