Թուրքիայի արտգործնախարարը հեռախոսազրույց է անցկացրել ուկրաինացի գործընկերոջ հետ
Թուրքիայի արտգործնախարար Մևլութ Չավուշօղլուն հեռախոսազրույց է անցկացրել Ուկրաինայի արտգործնախարար Դմիտրո Կուլեբայի հետ: Այս մասին, հայտնում է թուրքական milliyet.com.tr-ը:
«ԱԳ նախարար Մևլութ Չավուշօղլուն հեռախոսազրույց է ունեցել Ուկրաինայի արտգործնախարար Դմիտրո Կուլեբայի հետ։ Քննարկվել են Ուկրաինայում առկա իրավիճակը և Ստամբուլում Ռուսաստանի և Ուկրաինայի պատվիրակությունների միջև կայանալիք բանակցությունների հետ կապված հարցեր»,-ասվում է Թուրքիայի ԱԳՆ գրավոր հայտարարության մեջ:
