Միավորներ վաստակելու վերջին հնարավորությունը․ «Ալաշկերտ»-«Մաքքաբի»

Կոնֆերենցիաների լիգայի շրջանակներում այսօր «Ալաշկերտը» կհյուրընկալի Թել Ավիվի «Մաքքաբիին»: Խաղը կմեկնարկի 21։45-ին։

«Ալաշկերտը» պարտվել է խմբային փուլի բոլոր հանդիպումներում․ հայկական թիմը բաց է թողել 14 անգամ։ Վերջին երկու տուրերում թիմը հերթով պարտվեց ԼԱՍԿ-ին (0:2) և ՀԻԿ-ին (0:1):

Հայաստանի բարձրագույն խմբի ընթացիկ առաջնության 12 տուրից հետո Միլան Միլանովիչի սաները տարան հինգ հաղթանակ և երեք ոչ-ոքի։ Թիմը վաստակել է 18 միավոր և մրցաշարային աղյուսակի 5-րդ հորիզոնականում է։ Տանտերերը եվրոպական գոտուց հետ են մնում ընդամենը երեք միավորով։

Տարոն Ոսկանյանը այսօր չի խաղա։

Կոնֆերեցիաների լիգայի ընթացիկ առաջնության հինգ տուրից հետո Թել Ավիվի թիմը տարավ երեք հաղթանակ և մեկ ոչ-ոքի, ինչը բերեց 10 միավոր և երկրորդ տեղը մրցաշարային աղյուսակում։ Հնարավոր չէ չնշել «Մաքքաբիի» լավագույն ցուցանիշը հարձակման որակի առումով, որն աչքի է ընկել 13 անգամ։

Իսրայելի առաջնությունում Պատրիկ վան Լեուվենի թիմն ունի հինգ հաղթանակ և երեք ոչ-ոքի, ինչի արդյունքում թիմն ունի 18 միավոր և զբաղեցնում է չորրորդ տեղը։ Առաջին տեղից տարբերությունը տասը միավոր է: Վերջին տուրում «դեղին սատանաները» հաղթեցին «Բեյթարին» (2:1):

Կանդիլը, ով աճուկի վնասվածք ունի, այսօր չի կարողանա խաղալ։

Սիրարփի Աղաբաբյան