CDA Online հավելվածի միջոցով կայացել է «ԱԿԲԱ ԲԱՆԿ» ԲԲԸ-ի բաժնետերերի առաջին ժողովը

Տեղի է ունեցել «ԱԿԲԱ ԲԱՆԿ» ԲԲԸ-ի բաժնետերերի արտահերթ ընդհանուր ժողով։ Ժողովին մասնակցել են մինչև ս. թ. սեպտեմբեր-նոյեմբեր ամիսներին բանկի կողմից իրականացված բաժնետոմսերի հրապարակային տեղաբաշխումը գրանցված բաժնետերերը (1118 անձ)։

Հայաստանի կենտրոնական դեպոզիտարիայի CDA Online հավելվածի միջոցով տեղի ունեցած արտահերթ ընդհանուր ժողովում հաստատվել են նաև ս. թ. սեպտեմբեր-նոյեմբեր ամիսներին բանկի կողմից թողարկված լրացուցիչ բաժնետոմսերի տեղաբաշխման արդյունքները։ Արդյունքում բաժնետոմսեր գնած անձինք Հայաստանի Կենտրոնական Դեպոզիտարիայի կողմից կգրանցվեն բաժնետերերի վերաբերյալ ռեեստրում:

«Բաժնետերերի արտահերթ ժողովի գումարման հիմնական նպատակը Բանկի կողմից թողարկված լրացուցիչ բաժնետոմսերի տեղաբաշխման արդյունքների հաստատումն էր: Մենք դեռևս սեպտեմբերին թողարկեցինք 7,5 միլիարդ ՀՀ դրամ ծավալով 500 000 հատ բաժնետոմս, որն ամբողջությամբ սպառվեց նախանշված ժամկետներում: Այս վստահության համար մենք շնորհակալ ենք մեր բոլոր բաժնետերերին և ամեն ինչ անելու ենք, որպեսզի արդարացնենք նրանց սպասելիքներն ու միասին նպաստենք մեր երկրի տնտեսության զարգացմանը»,- նշել է Ակբա բանկի գլխավոր գործադիր տնօրեն Հակոբ Անդրեասյանը։

«Ակբա բանկի բաժնետերերի ժողովն առաջինն է, որը տեղի է ունենում CDA Online հավելվածի միջոցով։ Ուրախությամբ պետք է նշեմ, որ Հայաստանի կենտրոնական դեպոզիտարիան առցանց էլեկտրոնային քվեարկության համակարգ ներդրած առաջին կազմակերպությունն է տարածաշրջանում։ Համոզված եմ, որ առաջիկա մի քանի տարիների ընթացքում CDA Online հավելվածը կշարունակի բարձր պահանջարկ վայելել ինչպես բաժենտիրական ընկերությունների, այնպես էլ ներդրողների շրջանում, քանի որ այն ունի հագեցած ֆունկցիոնալ և չի սահմանափակվում միայն առցանց բաժնետերերի ժողովներ հրավիրելու և անցկացնելու հնարավորությամբ»,- նշեց Հայաստանի կենտրոնական դեպոզիտարիայի գլխավոր տնօրեն Վահան Ստեփանյանը։

Ակբա բանկի մասին

Ակբա բանկը հիմնադրվել է 1996թ.-ին և այժմ Հայաստանի Հանրապետության խոշորագույն բանկերից մեկն է: Բանկը ներկայացված է Երևանում և բոլոր մարզերում, ունի 63 մասնաճյուղ և շուրջ 1500 աշխատակից: Արդեն 25 տարի բանկը ֆինանսավորում է Հայաստանի տնտեսության իրական հատվածն ու նպաստում երկրի զարգացմանը:

Լրացուցիչ տեղեկատվության համար կարող եք զանգահարել +374 10 31 88 88 հեռախոսահամարին կամ գրել [email protected] էլեկտրոնային հասցեին:

 Հայաստանի կենտրոնական դեպոզիտարիայի մասին

Հայաստանի կենտրոնական դեպոզիտարիայի առաքելությունն է ներդնել միջազգային դեպոզիտար լավագույն փորձը և մատուցել ծառայությունների ամբողջական փաթեթ հայաստանյան ու օտարերկրյա գործընկերներին՝ իրար կապելով տարածաշրջանի տնտեսությունները։
ՀԿԴ-ն մատուցում ենք քլիրինգի ու վերջնահաշվարկի, ակտիվների սպասարկման ու ռեեստրավարման ծառայություններ՝ թույլ տալով հայաստանյան ու միջազգային
գործընկերներին ավելի արդյունավետ իրականացնել իրենց ընթացիկ աշխատանքները։ Հայաստանի կենտրոնական դեպոզիտարիան նաև Հայաստանում կուտակային
կենսաթոշակային ֆոնդերի պահառուն և մասնակիցների ռեեստրավարն է:

Լրացուցիչ տեղեկությունների համար խնդրում ենք զանգահարել +374 60 69 55 55, ներքին 142 կամ գրել  [email protected] հասցեին։