Ծնվել է եկել Բորիս Ջոնսոնի 7-րդ զավակը
Մեծ Բրիտանիայի վարչապետ Բորիս Ջոնսոնը յոթերորդ անգամ հայր է դարձել. նրա կինը՝ Քերրին, դուստր է լույս աշխարհ բերել: Այդ մասին հաղորդել է Sky News հեռուստաալիքը՝ վկայակոչելով զույգի ներկայացուցչին:
«Վարչապետը եւ տիկին Ջոնսոնն ուրախ են այսօր հայտարարել, որ առողջ դուստր է ծնվել լոնդոնյան հիվանդանոցում»,-հայտարարել է ներկայացուցիչը: Մայիսին հայտնի դարձավ, որ Ջոնսոնը եւ նրա հարսնացուն՝ Քերրի Սայմոնդսը, ամուսնացել են գաղտնի արարողությամբ. զույգն արդեն երեխա ունի, 2020 թվականի ապրիլի վերջին ծնվել է Ջոնսոնի եւ Սայմոնդսի որդին, որին անվանել են Ուիլֆրեդ:
Բացի այդ, Ջոնսոնը չորս չափահաս զավակ ունի իրավաբան Մարինա Ուիլերի հետ ամուսնությունից, արտամուսնական դուստր՝ արվեստագետ Հելեն Մաքինթայրից եւ, ըստ որոշ տվյալների, կա եւս մեկ արտամուսնական երեխա: Ջոնսոնն ավելի վաղ հաստատել է, որ ինքը վեց զավակ ունի, հաղորդել է ՌԻԱ Նովոստին:
