Time-ն առաջին անգամ ներկայացրել է 100 «ամենաազդեցիկ ընկերությունների» վարկանիշը
Առաջին անգամ Time ամսագիրը հրապարակել է «ամենաազդեցիկ ընկերությունների» վարկանիշը (ավանդաբար ամսագիրը տարեկան կազմում է աշխարհի ամենաազդեցիկ մարդկանց վարկանիշը): Նոր վարկանիշում ընդգրկված են այն ընկերությունները, որոնք, խմբագրական խորհրդի և փորձագետների կարծիքով, «օգնում են գծագրել առաջընթացի կարևոր ուղին»:
«Արդյունքը 100 կազմակերպությունների բազմազան հավաքածու է՝ սկսած տեխնոլոգիական ստարտափներից՝ հեռավար ավելի խելացի մեթոդներ մշակելով, մինչև կրիպտոարժութային ֆիրմաներ, որոնք վերանայում են փողի ապագան, և դեղագործական հսկաները՝ վաղվա պատվաստանյութեր ստեղծելով»,- ասվում է հայտարարության մեջ:
«Ամենաազդեցիկ ընկերությունների» վարկանիշը բաժանված է հինգ կատեգորիաների՝ «Առաջիններ», «Առաջնորդներ», «Նորարարներ», «Հսկաներ», «Ոչնչացնողներ», որոնցից յուրաքանչյուրն ընդգրկում է 16-21 ընկերություն:
«Առաջիններ» կատեգորիան գլխավորում է Hello Sunshine ամերիկյան լրատվական ընկերությունը, որը ստեղծվել է դերասանուհի և պրոդյուսեր Ռիզ Ուիզերսպոունի կողմից: Ներառված են նաև երգչուհի Ռիհաննայի Savage X Fenty սպիտակեղենի ընկերությունը, դեղագործական ընկերություն Tilray-ը, աշխարհի խոշորագույն բուսական մսի փոխարինող արտադրողը՝ Beyond Meat-ը և Klutch Sports-ը, որոնց հաճախորդների թվում են Բասկետբոլի ազգային ասոցիացիայի (NBA) աստղերը՝ Լեյբրոն Ջեյմսը, Էնթոնի Դևիսը, Թրեյ Յանգ, Ջոն Ուոլ, Բեն Սիմոնս և Դրեյմոնդ Գրին:
«Առաջատարների» կատեգորիան ներառում է էլեկտրոնիկայի արտադրողներ Apple-ը և Sony-ն, դեղագործական ընկերություններ Pfizer-ը, BioNTech-ը և Johnson & Johnson-ը, սպորտային հագուստ արտադրող Nike-ը, Twitter սոցիալական ցանցը, Maersk ծովային բեռնափոխադրումների և նավահանգիստների տերմինալների ծառայությունները, Mastercard անդրազգային ֆինանսական կորպորացիան, Volkswagen ավտոմոբիլային կոնցեռնը և անգլիական Պրեմիեր Լիգան։ Այս բաժինը գլխավորում է Բասկետբոլի ազգային ասոցիացիան:
«Նորարարներ» անվանակարգում ամսագիրը ներառում էր Moderna բիոտեխնիկական ընկերությունը, Nintendo վիդեոխաղերի և կոնսուլների ստեղծողը, Netflix հոսքային ծառայությունը, Zoom վիդեոկոնֆերանսի ծրագրակազմը, խաղալիքներ արտադրող Lego-ն, Spotify երաժշտական ծառայությունը, Epic Games համակարգչային խաղ մշակողը, Adidas սպորտային հագուստ արտադրողը, գրաֆիկական չիպերի արտադրող Nvidia-ն, TikTok սոցիալական ցանցը և IKEA կահույքի և տնային ապրանքների մանրածախ վաճառողը: Gro Intelligence վերլուծական ընկերությունն այս կատեգորիայի առաջատարն է:
«Հսկաներ» կատեգորիայի մեջ էին մտնում General Motors ավտոարտադրողը (առաջին հորիզոնականում), Alibaba առցանց առևտրային ընկերությունը, աշխարհի ամենամեծ սոցիալական ցանցը և համանուն Facebook սոցիալական ընկերությունը, Disney մեդիա կոնգլոմերատը, Google-ի անդրազգային կորպորացիան, ծրագրաշար արտադրող Microsoft-ը, կենցաղային տեխնիկայի և էլեկտրոնիկայի արտադրող Samsung-ը, լոգիստիկ ընկերություն Fedex-ը, Amazon-ը, արժույթների փոխանակման և առևտրային հարթակ Coinbase-ը և աշխարհի խոշորագույն մեծածախ և մանրածախ Walmart ցանցը:
«Ոչնչացողների» կատեգորիան գլխավորում է Illumina-ն, որը մշակում, արտադրում և իրականացնում է գենետիկ բազմազանության և կենսաբանական գործառույթների վերլուծության համակարգեր: Այն նաև ներառում էր էլեկտրական տրանսպորտային միջոցներ արտադրող Tesla-ն, աշխարհի խոշորագույն հեռահաղորդակցական ընկերություններից մեկը՝ Huawei-ը, մասնավոր բնակարանների կարճաժամկետ վարձակալության ցուցակման և որոնման առցանց հարթակ Airbnb-ը, Clubhouse սոցիալական ցանցը, SpaceX տիեզերական տեխնոլոգիաների արտադրողը և OnlyFans-ը՝ վեբկամ մոդելներով սիրված հարթակ և մեծահասակների համար բովանդակություն արտադրող:
Սիրարփի Աղաբաբյան
