«Պատահականություններ մեծ քաղաքականության մեջ չե՛ն լինում»․ Դերենիկ Խաչատրյան
«Լույս» հիմնադրամի անվտանգության ու արտաքին հարցերով փորձագետ Դերենիկ Խաչատրյանը ֆեյսբուքյան իր էջում գրում է․ «Պատահականություննե՞ր մեծ քաղաքականության մեջ, չե՛ն լինում…
Ամերիկահայ համայնքի` առաջին հերթին կարևոր և ավանդական ինստիտուցիոնալ կառույցների երկարամյա և հետևողական աշխատանքը տվեց իր արդյունքը, որին, անշուշտ, նպաստեցին նաև աշխարհաքաղաքական իրողությունները։
Արձանագրենք, որ այսպիսով ամերիկահայ համայնքի պայքարը ոչ թե ավարտվում, այլ թևակոխում է նոր և ավելի վճռական փուլ` ջանքերը կենտրոնացնելով Արցախի հարցի արդար կարգավորման և պահանջատիրության ուղղությամբ։
Սա նաև ազդակ է մեր երկրում պարտվողականությունը խրախուսող և ազգային նպատակները կասկածի տակ դնող որոշ էլեմենտների համար, որ հետևողական և սկզբունքային աշխատանքը կարող է արդյունք տալ, բայց ոչ երբեք անվճռականությունն ու ուխտադրժությունը։
Մնում է վերականգնել վերջին տարիներին քայքայված պետական ինստւտուտները և ազգային նպատակների ու իղձերի իրականացման գործընթացը կրկին դնել ինստիտուցիոնալ հունի մեջ։
Չմոռանալ նաև, որ պատահականություններ մեծ քաղաքականության մեջ չե՛ն լինում»։
