«Մադրիդի «Ռեալ» տեղափոխվելուց 15 օր առաջ Վինիսիուսն ասում էր, որ «Բարսայի» երկրպագու է»․ «Բարսելոնայի» սկաուտ
Հարավային Ամերիկայում «Բարսելոնայի» սկաուտության վարչության նախկին ղեկավար Անդրե Կյուրին ասել է, որ «Ռեալի» վինգեր Վինիսիուսը, հնարավոր է, հայտնվեր կատալոնական ակումբում:
«Մենք Վինիսիուսով հետաքրքրվեցինք Մադրիդի «Ռեալից» երեք ու կես տարի առաջ: Բայց, ի վերջո, նրա գործակալները, ովքեր պայմանավորվել էին «Բարսայի» հետ, դավաճանեցին մեզ:
Նրանց հաճախորդը մենք էինք, ոչ թե Մադրիդը: Մենք շատ լավ ընկերներ ունեինք՝ մենք հիմնական հյուրերն էինք միմյանց հարսանիքներին և մեր երեխաների հարսանիքներին:
Բայց վճռական պահին նրանք թիկունքից դանակահարեցին մեզ: «Ռեալ» տեղափոխվելուց 15 օր առաջ Վինիսիուսը ասում էր, որ ինքը «Բարսելոնայի» երկրպագու է, որ Նեյմարը իր կուռքն է, իսկ Մեսսին ավելի լավն է, քան Կրիշտիանուն»,- ասել է Կյուրին:
Սիրարփի Աղաբաբյան
