«Բռնեք շի՜շը, շիշը բռնե՜ք». քաղաքացիները Հայկ Սարգսյանին այսկերպ դիմավորեցին ԱԺ-ի մուտքի մոտ
Քաղաքացիները շարունակում են ակցիաներ իրականացնել Ազգային ժողովի մուտքերի մոտ: Քիչ առաջ ԱԺ ժամանեց «Իմ քայլը» խմբակցության պատգամավոր Հայկ Սարգսյանը, վերջինիս քաղաքացիները դիմավորեցին վանկարկումներով:
«Բռնեք շի՜շը, շիշը բռնե՜ք»,- ԱԺ մոտ՝ տեսնելով Հայկ Սարգսյանին վանկարկեցին քաղաքացիները։
Ի պատասխան պատգամավորն ասաց. «Շիշը կոխելու եմ…»:
Սարգսյանը ակցիայի մասնակցին դիմելով՝ ասաց. «Կռվի վախտ ո՞ւր էիր, արա»։
Դրան հաջորդեց քաղաքացու հակադարձումը․
«Արան դու ես, այ տղա, հանկարծ չշփոթես»։
Հայկ Սարգսյանն էլ պատասխանեց. «Արան հերդ ա, այ տղա…»:
Նշենք, որ միջադեպի ժամանակ ԱԺ մուտքի մոտ նաև ոստիկանական ուժեր կային:
Հիշեցնենք, որ առավոտյան միջադեպ էր եղել նաև իմքայլական պատգամավորներ Անդրանիկ Քոչարյանի և Սիսակ Գաբրիելյանի հետ: Քաղաքացիները նրանց ուղղությամբ ձվեր էին նետել, ինչին հաջորդել էր փոխադարձ վիրավորանքներ և հայհոյանքներ, կան բերման ենթարկվածներ»:
Մանրամասները՝ տեսանյութում
