Ավտովթար՝ Լենինգրադյան փողոցում. կա տուժած
Նոյեմբերի 4-ին, ժամը 11:35-ին Ճգնաժամային կառավարման ազգային կենտրոն ահազանգ է ստացվել, որ Երևանի Լենինգրադյան փողոցի թիվ 31/9 շենքի մոտակայքում տեղի է ունեցել ՃՏՊ. կա տուժած։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ բախվել են «Opel Astra» (վարոդ` Գագիկ Բ.) և «Volkswagen» (վարորդ՝ Կարեն Ն.) մակնիշների ավտոմեքենաները:
Փրկարարները «Opel Astra» մակնիշի ավտոմեքենայի ուղևոր Աննա Գ.-ին (ծնված 1965 թ․) մոտեցրել են շտապօգնության ավտոմեքենային. տուժածը հոսպիտալացվել է «Արմենիա» ՀԲԿ։
Փրկարարները հոսանքազրկել են ավտոմեքենաները և փակել գազի բալոնների փականները։