Վրաստանում ընդդիմությունը ակցիա է անցկացնում նոր ընտրությունների պահանջով
Վրաստանի մայրաքաղաք Թբիլիսիի Ռուսթավելի պողոտայում ընդդիմադիր կուսակցությունների կողմնակիցները բողոքի ակցիա են սկսել խորհրդարանի շենքի դիմաց: Ինչպես տեղեկացնում է «ՌԻԱ Նովոստի»-ն, բողոքի ակցիայի մասնակիցները չեն ընդունում ընտրությունների արդյունքները և պահանջում են նոր ընտրություններ:
«Պարզապես թքել են մեր հոգու մեջ։ Պետք է դադարեցվի Իվանիշվիլիի ռեժիմը: Ընտրությունները իրական չէին, մենք մեկ անգամ եւս հայտարարում ենք, որ չենք ընդունում այս ընտրությունների արդյունքները, և պահանջում ենք արտահերթ խորհրդարանական ընտրությունների անցկացում »,- հայտարարել է ակտիվիստներից մեկը:
Ռուսթավելի պողոտայում երթեւեկությունը կանգնեցվել է:
