Պոչետինոն՝ «Բարսան» գլխավորելու փոխարեն՝ ֆերմայում աշխատելը նախընտրելու մասին
«Տոտենհեմի» նախկին մարզիչ Մաուրիսիո Պոչետինոն հերքել է տեղեկությունները «Բարսելոնայի» հետ բանակցությունների մասին, ինչպես նաև մեկնաբանել է «բլաուգրանայի» վերաբերյալ իր հայտարարությունները:
2018 թվականին Պոչետինոն հայտարարեց, որ նախընտրում է Արգենտինայի ֆերմայում աշխատել, քան մարզել «Բարսան»:
Բարսելոնայի հետ շփումների մասին
«Ինձ չեն առաջարկել գլխավորել «Բարսան»: Ես ճաշել եմ Ռամոն Պլանեսի («Բարսելոնայի» տեխնիկական քարտուղար) հետ, քանի որ մենք երկար տարիներ ընկերներ ենք եղել՝ սկսած 2009 թվականից, երբ նա աշխատում էր «Էսպանյոլում»:
«Բարսելոնայի» մասին
«Ես հեգնանքով եմ խոսել. դա մամուլի ասուլիս էր «Տոտենհեմում», և ինձ հարցրեցին «Բարսայի» մասին լուրերի մասին: Ես հեգնանքով պատասխանեցի և, հավանաբար, շատ հեռուն գնացի: Ասվածն ասված է:
Այդ խոսքերը շատ լավ էին «Էսպանյոլի» երկրպագուների համար, բայց ես դա նրանց փոխարեն չասացի: Ես կարիք չունեմ արդարացումներ ներկայացնել որևէ հայտարարության համար, քանի որ ոչ ոք չի կարող կասկածել «Էսպանյոլի» նկատմամբ իմ սիրո մեջ»։
Սիրարփի Աղաբաբյան
