Կապիկը գողացել է հեռախոսը և ֆոտոսեսիա է կազմակերպել
Մալայզիացի ուսանող Զաքրիձ Ռոձին հայտնել է, որ կապիկը գողացել է իր բջջային հեռախոսը: Երբ տղան գտել է այն, սարքում շատ նկարներ է հայտնաբերել՝ կենդանու սելֆին և ջունգլիներում արված լուսանկարներ, գրում է BBC-ն:
20-ամյա Ռոձիի խոսքով՝ ինքը հեռախոսը թողել է մահճակալի կողքին՝ քնելուց առաջ: Առավոտյան տղան չի գտել իր iPhone-ը:
Նա փորձել է հետևել հեռախոսին Apple-ի ծառայությունների միջոցով, բայց անհաջողության է մատնվել:
Հետո Զաքրիձը հոր հետ դուրս է եկել տնից և սկսել է զանգահարել իր համարով: Նա անմիջապես լսել է իր սմարթֆոնի մեղեդին: Այն հայտնաբերվել է ջունգլիներում՝ արմավենու տակ:
Ուսանողը զննել է հեռախոսը և բացել լուսանկարների պատկերասրահը: Լուսանկարներից պարզ է դարձել, որ նրա iPhone-ը գողացել է կապիկը:
Կենդանին մի քանի սելֆի է արել և նույնիսկ հասցրել է նկարահանել տեսանյութ, որում փորձում է ուտել հեռախոսը:
Կապիկի կողմից արված ամենահաջող լուսանկարները Ռոձին տեղադրել է Թվիթերում:
Something yang korang takkan jumpa setiap abad. Semalam pagi tido bangun bangun tengahari phone hilang. Cari cari satu rumah geledah sana sini semua takde then last last jumpa casing phone je tinggal bawah katil tapi phonenya takde. Sambung bawah. pic.twitter.com/0x54giujnY
— z (@Zackrydz) September 13, 2020
Պատրաստեց Անի Գաբուզյանը
