Եվրոպայի խոշորագույն տնտեսությանը լուրջ հարված է հասցվել. Bloomberg
Գերմանիայում հայտնաբերել են խոզերի աֆրիկյան ժանտախտի (ԽԱԺ) դեպքեր, ինչը հարվածի տակ է դնում խոզի մսի եվրոպական արտահանողին: Այդ մասին գրում է Bloomberg-ը:
Գերմանիան, որը Չինաստան մսի խոշորագույն մատակարարն է, միջոցներ է ձեռնարկել կենդանիների շրջանում համաճարակը կանխելու համար. թույլ վարազներին հայտնաբերելու համար օգտագործվել են վարժեցված շներ, արեւելյան սահմանի երկայնքով տեղադրել են էլեկտրական ցանկապատեր, իսկ վարորդներին կոչ են արել ճանապարհներին չնետել խոզապուխտով բուտերբրոդներ: Այնուամենայնիվ, Բրանդենբուրգի դաշնային երկրամասում գտել են ԽԱԺ-ով վարակված վայրի վարազի: Եթե աֆրիկյան ժանտախտի դեպք հաստատվի նույնիսկ վայրի կենդանու մոտ, խոզի մսի արտահանումն անհպապաղ կդադարեցվի:
Հաշվի առնելով, որ կարանտինի պատճառով Գերմանիան ներքաշվել է Երկրորդ համաշխարհային պատերազմից ի վեր վատագույն ռեցեսիայի մեջ, ԽԱԺ-ի բռնկումը լրացուցիչ հարված կհասցնի Եվրոպայում մսի այդ տեսակի գլխավոր արտադրողին, նշում է Bloomberg գործակալությունը, հաղորդել է ՌԻԱ Նովոստին:
