Հրազդանի կիրճի «Բիձու գյոլ» կոչվող տարածքից 10 անձ բերման է ենթարկվել
Օգոստոսի 9-ին, ժամը 05.30-ին, ոստիկանության Երևան քաղաքի վարչության ՊՊԾ գնդի և Մալաթիայի բաժնի ծառայողները, խուլիգանություն կատարելու կասկածանքով, Հրազդանի կիրճի «Բիձու գյոլ» կոչվող տարածքից բաժին բերման են ենթարկել 10 անձանց։ Պարզվել է, որ բերման ենթարկվածներից մեկը կրակել է գազային ատրճանակից՝ կոպիտ կերպով խախտելով հասարակական կարգը և հասարակության նկատմամբ դրսևորելով բացահայտ անհարգալից վերաբերմունք:
Դեպքի վայրի զննությամբ հայտնաբերվել է ատրճանակը և 2 ծալովի դանակ։
Նշանակվել են փորձաքննություններ:
Կատարվում է քննություն։
