Պոչետինոն կարող է գլխավորել «Ռոման»
«Ռոման» կարող է փոխել գլխավոր մարզչին:
Ըստ As-ի, իտալական ակումբի ղեկավարությունն ուսումնասիրում է «Տոտենհեմի» նախկին գլխավոր մարզիչ Մաուրիսիո Պոչետինոյին՝ Պաուլո Ֆոնսեկային փոխարինելու համար։
Նման մտքեր առաջացել են այն բանից հետո, երբ հռոմեացիները 1/8 եզրափակչում դուրս մնացին Եվրոպա լիգայից և գրավեցին հինգերորդ տեղն Ա Սերիայում:
Միևնույն ժամանակ, Corriere di Roma-ի տեղեկությունների համաձայն՝ ակումբը կցանկանա թույլատրել Ֆոնսեկային աշխատել մինչև պայմանագրի ավարտը, որը հաշվարկվում է մինչև 2021 թվականի ամառ:
Ավելի վաղ հաղորդվում էր, որ «Ռոման» կարող է հրավիրել նաև «Յուվենթուսի» մարզական տնօրեն Ֆաբիո Պարատիչիին, եթե նրան աշխատանքից հեռացնեն:
Սիրարփի Աղաբաբյան
