WhatsApp-ը միաժամանակ կաշխատի մի քանի սմարթֆոնների վրա
Օգտատերերի համար ավելի հեշտ կլինի անցում կատարել իրենց գադջետների միջև:
Android-ի համար WhatsApp 2.20.196.8 բետա տարբերակում հայտնվել են մի քանի նորամուծություններ, որոնք մշակողները պատրաստում են օգտվողների համար: Այս մասին հայտնում է WABetaInfo-ն:
Մեսենջերը փորձարկում է մի առանձնահատկություն, որը թույլ կտա մեկ օգտագործողին միաժամանակ ակտիվացնել իր հաշիվը չորս սարքի վրա: Բետա տարբերակի ինտերֆեյսում հայտնվել է հատուկ կետ Linked Devices (միացված սարքեր). Նոր տարբերակը դեռ փորձելու հնարավորություն չկա, քանի որ այն UI նախագծման փուլում է: Գործարկելուց հետո պրոֆիլի սեփականատերը կկարողանա նոր սմարթֆոնը կամ համակարգիչը կապել իրենց գործող հաշվին։
Բացի այդ, WhatsApp-ը շարունակում է աշխատել ծրագրի ներսում առաջադեմ որոնման վրա, որը հայտնվել է մեսենջերի բետա վարկածում: Մինչ այժմ ծրագրում կարող եք տեսնել մի քանի ինտերֆեյսի փոփոխություններ: Ընդլայնված որոնումը թույլ է տալիս որոնել հաղորդագրությունը ըստ տիպի՝ տեքստ, լուսանկարներ, հղումներ, փաստաթղթեր և այլն: Այս հատկությունը ներկայումս մշակման փուլում է և հասանելի կլինի ավելի ուշ:
Ինչպես և նոր գործառույթների մեծ մասի դեպքում, որոնք WhatsApp-ը սկսում է փորձարկել բետա տարբերակում, առայժմ որևէ տեղեկություն չկա մեսենջերում նշված թարմացումների թողարկման ժամկետի վերաբերյալ: Մնում է հետևել դրանց զարգացմանը և սպասել ընկերության հայտարարությանը:
Սիրարփի Աղաբաբյան
