«Անհապաղ դադարեցնել իրավիճակի սրումը, վերականգնել երկխոսությունն ու վերսկսել Մինսկի խմբի հետ բանակցությունները». Պոմպեոն անդրադարձել է հայ-ադրբեջանական սահմանային լարվածությանը
ԱՄՆ պետքարտուղար Մայք Պոմպեոն մամուլի ասուլիսի ժամանակ անդրադարձել է հայ-ադրբեջանական սահմանային լարվածությանը՝ ընդգծելով, որ Միացյալ Նահանգները «խորապես անհանգստացած» է սահմանին տեղի ունեցող մահացու բռնությամբ:
«Մեր ցավակնցությունն ենք հայտնում բոլոր զոհերի հարազատներին: Կողմերին կոչ ենք անում անհապաղ դադարեցնել իրավիճակի սրումը, վերականգնել բովանդակային երկխոսությունն ու հրադադարը, ինչպես նաև վերսկսել Մինսկի խմբի համանախագահների հետ առարկայական բանակցությունները»,-ասել է Պոմպեոն:
Ավելի վաղ ԱՄՆ պետդեպարտամենտի մամուլի քարտուղար Մորգան Օրտագուսը դատապարտել էր հայ-ադրբեջանական սահմանին տեղի ունեցող բռնությունը՝ կողմերին կոչ անելով դադարեցնել ուժի կիրառումը, խուսափել հետագա լրաումից, խստորեն ենթարկվել հրադադարին:
