«Այս իրադրության ծնող պատճառները վերացված չեն և Ադրբեջանի՝ բանակցությունների սեղան վերադարձը դեռ երաշխավորված չէ». Տիգրան Աբրահամյան
«Հենակետ» վերլուծական կենտրոն» ՀԿ ղեկավար Տիգրան Աբրահամյանը ֆեյսբուքյան իր էջում գրել է.
«Տավուշում վերջին օրերին սկիզբ առաջ մարտական գործողությունները նվազման դինամիկա են դրսևորում, ինչը դեռ չի նշանակում, որ հարաբերական դադարից հետո մեկ այլ ձևով, այլ ուղղությամբ չեն դրսևորվի։
Բանն այն է, որ այս իրադրության ծնող պատճառները վերացված չեն և Ադրբեջանի՝ բանակցությունների սեղան վերադարձը դեռ երաշխավորված չէ։
Նույնիսկ վերադարձի պայմաններում էլ չկա երաշխիք, որ դա հերթական իմիտացիոն պրոցեսը չի լինի և այն չի բերի նոր ագրեսիայի»:
