Տավուշի հրետակոծությունների վերաբերյալ արձանագրված տեղեկությունները ներկայացվել է ԿԽՄԿ հայաստանյան պատվիրակության ղեկավարին․ ՄԻՊ գրասենյակ
ՀՀ Մարդու իրավունքների պաշտպանն այսօր հեռախոսային քննարկում է ունեցել Կարմիր խաչի միջազգային կոմիտեի հայաստանյան պատվիրակության (ICRC) ղեկավարի հետ: Այս մասին հայտնում են ՄԻՊ գրասենյակից։
Պաշտպանը ներկայացրել է Հայաստանի Տավուշի մարզի ուղղությամբ հուլիսի 12-ից ադրբեջանական զինված ուժերի կողմից մարզի քաղաքացիական բնակավայրերի ուղղությամբ իրականացվող գնդակոծությունների և հրետանակոծությունների վերաբերյալ աշխատակազմի արձանագրած տեղեկությունները, ինչպես նաև քաղաքացիական բնակավայրերից Մարդու իրավունքների պաշտպանին հասեցագրվող ահազանգերը։
Ուշադրություն է հրավիրվել նաև Պաշտպանի միջազգային զեկույցների վրա, որոնք կուղարկվեն նաև Կարմիր խաչի Ժնևի գրասենյակ։
Հաշվի առնելով Կարմիր խաչի միջազգային կոմիտեի մանդատը, ինչպես նաև հայաստանյան պատվիրակության ղեկավարի հետ պայմանավորվածությունը՝ այս պահին այլ մանրամասներ ներկայացնել չենք կարող։
