Գողությունից րոպեներ անց տղամարդը բերման է ենթարկվել ոստիկանություն
Հուլիսի 6-ի լուսադեմին ոստիկանության Երևան քաղաքի վարչության քրեական հետախուզության բաժնի գրպանահատության դեմ պայքարի բաժանմունքի ծառայողները Բագրատունյաց պողոտայից Շենգավիթի բաժին բերման ենթարկեցին 35-ամյա մի տղամարդու, կասկածանքը՝ գողություն։ Արարատ քաղաքի բնակչի մոտ պայուսակ կար, որն, ինչպես պարզվեց, գողացել էր բերման ենթարկվելուց րոպեներ առաջ։ Գողոնը վերցվել է։ Տուժողից հաղորդում է ընդունվել։ Դեպքի հանգամանքները քննությամբ պարզվում են։
