Գագիկ Ջհանգիրյանի դստեր ամուսինն ընտրվեց ՏՄՊՊՀ անդամ
Այսօր Կարեն Սեդրակյանն ԱԺ փակ քվեարկությամբ ընտրվեց Տնտեսական մրցակցության պաշտպանության պետական հանձնաժողովի (ՏՄՊՊՀ) անդամ։
Քվեարկությանը ԱԺ 132 պատգամավորից մասնակցել է 86 պատգամավոր, կողմ է քվեարկել 80, դեմ՝ 6 պատգամավոր։
ՏՄՊՊՀ անդամի թափուր պաշտոնի համար Կարեն Սեդրակյանի թեկնածությունն առաջադրվել էր կառավարության կողմից:
Ի դեպ, մեր հավաստի տեղեկություններով՝ Կարեն Սեդրակյանը ՀՀ նախկին զինդատախազ Գագիկ Ջհանգիրյանի փեսան է:
Հիշեցնենք, որ Գ. Ջհանգիրյանի մյուս փեսան՝ Անրի Վարդանյանը, այս տարվա հունվարին նշանակվել էր ՔԿ Երևանի քննչական վարչության պետի պաշտոնում: Վերջինս «թավշյա հեղափոխությունից» հետո՝ 2018 թ.-ի հոկտեմբերի 16-ին նշանակվել էր ՊԵԿ «Զվարթնոցի» մաքսատան պետ:
