«Տղա ջան, սենց հարցեր չեն լուծում…»
«Մեկ Հայաստան» կուսակցության ղեկավար Արթուր Ղազինյանը ֆեյսբուքյան իր էջում գրել է.
««Տղա ջան, սենց հարցեր չեն լուծում . . .»
Սրանք ՀՀ ազգային հերոս Կարեն Դեմիրճյանի վերջին խոսքերն էին, որոնք խտացված ներկայացնում էին ՄԵԾ ՀԱՅԻ պետականամետ տեսակը, մարդկային բնույթը, քաղաքական նկարագիրը։
Իր ամբողջ գիտակցական կյանքը Հայաստանի և Հայ ժողովրդի վերակառուցմանն ու զարգացմանը նվիրած Կարեն Դեմիրճյանը 88-ի շարժման ժամանակ մերժվեց և հեռացվեց ժողովրդի կողմից։
Նա հեռացավ լուռ, վիրավորված և նեղսրտած, բայց չխռովեց իր ժողովրդից։
Մի քանի տարի անց նա վերադարձավ դափնիներով՝ նույն իրեն մերժած ժողովրդի ձեռքերի վրա, ծափողջույններով և նույն ԺՈՂՈՎՐԴԻ մեծ սիրով։
Կյանքից հեռացավ ներքին թշնամու արյունոտ և բարբարոս ձեռքերով, բայց հավիտյանս մնաց յուրաքանչյուր Հայի հոգում և սրտում։
Ծնունդդ շնորհավոր, Կարեն Սերոբիչ»:
https://www.facebook.com/photo.php?fbid=10212784842376083&set=a.2816082021377&type=3&theater
