«Վաղը լավ լուրերի նույնպես սպասում ենք». Նիկոլ Փաշինյան
Հայաստանում կորոնավիրուսի կասկածով մեկուսացված քաղաքացիներից ավելի քան 70-ի մեկուսացման ժամկետն ավարտվել է, նրանք նոր թեստ կհանձնեն: Այս մասին «Ֆեյսբուք»-ի իր էջում ասաց ՀՀ վարչապետ Նիկոլ Փաշինյանը:
«Վաղը լավ լուրերի նույնպես սպասում ենք: Մեր մեկուսացված քաղաքացիներից ավելի քան 70-ի մեկուսացման 14 օրը լրացել է, պետք է նրանց նորից թեստավորենք, և նախադրյալներ կան մտածելու, որ նրանց մեծ մասը բացասական կթեստավորվի և նրանց կվերադառնան իրենց առօրյա կյանքին»,- ասաց Փաշինյանը:
Հայաստանում կորոնավիրուսի կասկածով մեկուսացված է ավելի քան 600 քաղաքացի:
