«Ճնշմանը» չդիմացավ. Ի՞նչն է ստիպել Գրիգորի Սահակյանին հեռանալ քաղաքականությունից. «Հրապարակ»
«Հրապարակ» թերթը գրում է. «Երեկ Ստեփանակերտի քաղաքապետի թեկնածու Գրիգորի Սահակյանը հայտարարեց, որ հրաժարվում է «Վստահություն» կուսակցության նախագահի լիազորություններից, ինչպես նաեւ՝ կուսակցությանն անդամակցությունից:
Սահակյանը «Հայկազովի» զորամասի նախկին հրամանատարն է։ Անցած սեպտեմբերին կայացած Ստեփանակերտի քաղաքապետի ընտրություններում նա հեռացավ բանակից, հայտարարեց քաղաքականությամբ զբաղվելու մասին, առաջադրվեց, սակայն չընտրվեց։ Ու չնայած ակտիվ պատրաստվում էր Արցախի ԱԺ ընտրություններին, բայց երեկ կայացրեց նման անսպասելի որոշում։ Ինչո՞ւ։
Մեր արցախյան աղբյուրը հայտնեց, որ քայլը պայմանավորված է դաշտի խոշորացմամբ, վերջին օրերին դաշինքներ են ձեւավորվում, եւ ֆավորիտ նախագահացուները՝ Վիտալի Բալասանյան, Արայիկ Հարությունյան, Մասիս Մայիլյան, Սահակյանի հետ բանակցել են աջակցություն ստանալու առաջարկով։ Որպեսզի որեւէ մեկին չնեղացնի, նախկին զինվորականը որոշել է քաղաքականությունից հեռանալ»:
Ամբողջությամբ կարող եք կարդալ թերթի այսօրվա համարում:
