Մոսկվայում ավտոբուսի վարորդն ընդհատել է երթևեկությունը և նամազ արել
Ռուսաստանի Դաշնության մայրաքաղաք Մոսկվայի հյուսիսում աշխատող ավտոբուսի վարորդն աշխատանքային ժամին ընդհատել է երթևեկությունը՝ աղոթելու համար: Ըստ վկաների՝ փողոցում անմիջապես խցանում է առաջացել: Դեպքի մասին հաղորդագրությունները հայտնվել են ռուսաստանցիների սոցիալական ցանցերում:
284 համարի ավտոբուսի աստվածավախ վարորդը սկսել է նամազ անել Լեսկովա փողոցում: Արգելափակված երթևեկության պատճառով 815 համարի ավտոբուսը չի կարողացել մոտենալ կանգառին, չեն կարողացել շարժվել նաև մի շարք այլ ավտոբուսներ ու մեքենաներ:
Սոցիալական ցանցի օգտատերերից շատերը գրել են զայրացած մեկնաբանություններ վարորդի գործողությունների վերաբերյալ:
Մյուսները առաջարկել են վարորդին աղոթել ոչ աշխատանքային ժամերին:
