Ժիրուն կմնա «Չելսիում» մինչև մրցաշրջանի ավարտը
«Չելսիի» հարձակվող Օլիվյե Ժիրուն չի հեռանա թիմից հունվարյան տրանսֆերային պատուհանի ընթացքում: Այս մասին հաղորդում է L’Équipe-ը:
Լոնդոնյան ակումբն արգելափակել է 33-ամյա հարձակվողի տրանսֆերը, քանի որ չկարողացավ փոխարինող գտնել նրա համար:
Ֆրանսիացու նկատմամբ հավակնություններ ունեին «Լացիոն», «Տոտենհեմը» և «Ինտերը», բայց արդյունքում նա մրցաշրջանը կավարտի «Սթեմֆորդ Բրիջում»:
Ինքը՝ Ժիրուն, ցանկանում էր փոխել ակումբային գրանցումը ոչ բավարար խաղաժամանակի պատճառով, բայց «Չելսիի» պլանների վրա ազդեց հարձակվող Թեմի Աբրահամի վնասվածքը:
Պատրաստեց Անի Գաբուզյանը
