ՌԴ Պետդումայի պատգամավորները հավանություն են տվել Միխայիլ Միշուստինին վարչապետ նշանակելուն
ՌԴ Պետդումայի պատգամավորները հավանություն են տվել Միխայիլ Միշուստինին վարչապետ նշանակելուն, դեմ քվեարկողներ չեն եղել, 383 խորհրդարանական «կողմ» է քվեարկել, տեղեկացնում է «Ինտերֆաքս»-ը:
41 պատգամավոր ձեռնպահ է մնացել: Ավելի վաղ այդ թեկնածության օգտին չքվեարկելու պլանների մասին հայտարարել էր Պետդումայում կոմունիստների ղեկավար Գենադի Զյուգանովը:
12 պատգամավոր նիստին չի մասնակցել, քանի որ այդ ժամանակ մասնակցում էր Սահմանադրության ուղղումների նախապատրաստման աշխատանքային խմբի հանդիպմանը:
Քվեարկությունից հետո Միշուստինը խոստացել է մոտ ժամանակներս նախագահին ներկայացնել նախարարների թեկնածուների ցուցակը:
Հունվարի 16-ին ավելի վաղ Միշուստինը հանդիպել է Պետդումայի խմբակցությունների հետ, իսկ այնուհետեւ ելույթ ունեցել լիագումար նիստում, պատմել իր պլանների մասին ու պատասխանել նրանց հարցերին: Պաշտոնյային պատգամավորներին ներկայացրել է Պետական դումայում նախագահի լիազոր ներկայացուցիչ Գարրի Մինխը
