Երիտասարդները մտել են առանձնատուն ու գողացել բջջային հեռախոսներ, օծանելիքներ, կենցաղային այլ իրեր

Հունվարի 13-ին ոստիկանության Վայոց ձորի մարզային վարչության քրեական հետախույզները փաստական տվյալներ ձեռք բերեցին, որ նախորդ տարվա նոյեմբերին մարզում բնակվող երկու երիտասարդ մտել են Արփի գյուղի մի առանձնատուն ու գողացել բջջային հեռախոսներ, օծանելիքներ, կենցաղային այլ իրեր։

Մարզային վարչության և Եղեգնաձորի բաժնի քրեական հետախույզները կասկածվողների ինքնությունը պարզելուց հետո նրանց հրավիրեցին բաժին, որտեղ երիտասարդները տվեցին խոստովանական բացատրություն։ Ձեռնարկվում են միջոցառումներ գողոնը հայտնաբերելու և տուժողին վերադարձնելու ուղղությամբ։ Դեպքի հանգամանքները քննությամբ պարզվում են։