Ճապոնիայում առաջին անգամ տղամարդ նախարարը երեխայի խնամքի արձակուրդ է վերցնում
Ճապոնիայի շրջակա միջավայրի նախարար Կոիձումի Սինձիրոն՝ Ճապոնիայի նախկին վարչապետ Կոիձումի Ձյունիտիրոյի որդին, մտադիր է երեխայի խնամքի արձակուրդ վեցնել իր առաջնեկի համար, որի ծնունդն սպասվում է հունվարին։
«Ես կցանկանայի, որ շրջակա միջավայրի նախարարությունում աշխատակիցները կարողանան, առանց անհարմար զգալու, երեխայի խնամքի արձակուրդ վերցնել»,- մեջբերում է նրա խոսքը Կիոդո գործակալությունը:
Նախարար Կոիձումին ընդհանուր առմամբ երկշաբաթյա արձակուրդ կվերցնի երեխայի ծնվելուց հետո երեք ամսվա ընացքում: Ինչպես սպասվում է, հիմնականում արձակուրդը կձեւավորվի ավելի կարճ աշխատանքային օրվա եւ հեռավորությունից աշխատելու հաշվին, որպեսզի վնաս չհասցվի Կոիձումիի գործունեությանը նախարարի պաշտոնում եւ որպես խորհրդարանի պատգամավոր:
Ճապոնիայում երեխայի խնամքի արձակուրդներ օրենսդրորեն թուլատրված են երկու ծնողների համար էլ, բայց իրենց իրավունքից օգտվում է տղամարդկանց չնչին տոկոսը, հաղորդել է ՌԻԱ Նովոստին:
